فضفض معانا

لا خالص يا فتحى
مش انضحك عليك ولا حاجة

طب حد يثبتلى غير كده .... حد يقول

يا فتحى ايه المشكلة ان الفترة دي مفيهاش مشاكل
دي حاجة كويسه
يعنى مش تزعل
وبعدين انت زعلان علشان عرضت مشكلة واتحلت

طيب طالما مفيش مشاكل دلوقتى انا هفتح مجال للنقاش وهنتكلم عن مشكلة الوحدة

احيانا بنحس بالوحدة وده بيبقي نتيجة يا اما فقدان احد الوالدين او اغتراب الوالدين او اغتراب الاصدقاء
او انفصال الوالدين او الشعور بعدم الاهمية في الحياة والاحساس بفقدان الذات والاغتراب عن الاخرين

اولا هتكلم عن الاغتراب وده معناه ان الانسان بيحس انه مغترب عن الناس اللي حواليه يعنى بيحس انه غريب ما بينهم
وفقدان احد الوالدين طبعا معناه وفاة احد الوالدين وده بيسبب ازمة حتى لو الشخص ده مش هيبين
الا انه بيبقي حاسس بيها وشعوره انه فاقد حد منهم بيحسسه انه نقصه حاجة ويمكن يحس احيانا بالخجل
وانه في امس الحاجة للطرف التانى واي مشكلة بتقابله بيحس فعلا انه في الفترة دي في اشد الحاجة للشخص المفقود ده
وعلشان كده ده احيانا يصيب الانسان بالعزلة والشعور بالوحده وعدم الرغبة في الحياة

اما بقي اغتراب الوالدين يعنى ان الوالدين بيبقوا علي قيد الحياة وعايشين في بيت واحد بس بيحس الفرد باغترابهم وابتعادهم عنه
يا اما بقي بتبقي مشاكل اسرية وزوجية او بيبقي الوالدين مشغولين بحياتهم عن اولادهم وده بيسبب حزن داخل الفرد
اللي ممكن من شدة تحمله الوضع ده يصاب بالصمت الشديد اللي يسبب برده الاحباط والعزلة داخل البيت واحيانا الوالدين مش بيحسوا بــــ ده

اما بقي الاغتراب عن الاصدقاء فالفرد هنا بيحس بالغربة وسط صحابه يعنى يا اما بيبقي فيه واحد واخد الجو كله
وواحد في الشلة علشان هادي شوية باقي الشلة يقفوا دايما مع الشخص الشديد ده علي حساب الهادي
حتى لو كان غلط واحساس الفرد بانه صح وسلوكه ده اللي المفروض الناس كلها تمشي عليه
وصحابه اللي المفروض اقرب الناس ليه بيتخلوا عنه علشان واحد ده بيخليه من جواه حزين حاسس انه عايش في دنيا غريبة

وطبعا انفصال الوالدين بيبقي عليه عامل كبير جدا في تكوين شخصية الفرد لان وجود الوالدين مع الاولاد بيحسسهم بالامان
والاستقرار النفسي وان فيه فعلا ناس بتحبهم وطبعا انا بتكلم علي الوالدين المتفاهمين لان الخلافات الزوجية بتسبب مشاكل تانية
ممكن تؤدي الي الاكتئاب او الانحراف او الانتحار ........... وهكذا

وكل هذا يقود الانسان الي الوحدة والانعزال عن عالمه الذي احيانا يشعر بانه ضيق جدا لا يسع الا هو
ومن هنا نناشد الاقارب من الدرجة الاولي بالاهتمام بالابناء واعطائهم الفرصه في الاحساس بالامان

وده رايي الخاص بس عايزة اسمع رايكم في المشكلة دي

انا رأيى ان كل واحد بايده انه يحط نفسه فى مجال الشعور بالوحدة ده .... مش هعرف اوضح الصراحة ..بس فى حاجات كتير تعالج المشكلة دى زى زيارة اهل .. واقارب .. صله رحم يعنى ... السؤال عن اصحاب قداام ... جيران و كده .... يلا باقى الاراااء ايه ؟

فكرة سديدة برده

ههههههههههههه حلوه سديده دى يا اميره

انا شايفه ان الوحده مش شرط يكون العامل الرئيسى فيها هو التفكك او البعد الاسرى بالعكس انا شايفه ان الوحده ده شعور بيجي لاى انسان ومع كل الظروف وفى كل المراحل وهيا انواع بتختلف من شخص للتانى وكمان بتختلف تبع الظروف المحيطه بالانسان يعنى مش شرط يكون الابوين منفصلين عشان يحس الانسان بالوحده هو اه عامل من العوامل بس مش هو العامل الوحيد فى ناسي بتبقى بطبيعتها هاديه وانطوائيه ومبتحبش تختلط بالناس ومع الوقت ممكن ده يسببلهم شعور بالوحده او الملل وبيخليهم يدورو ازاى يتاقلمو مع الناس اللى حواليهم وبرده زى مانتى قلتى ممكن يكون فى واحد وسط شلته وحاسس ان هما غلط وهو صح عشان كده بيحس انهم مش فاهمينه وبالتالى بيحس انه وحيد وهو فى وسطهم وبرده ممكن يكون الواحد عايش فى وسط اهله وتحصل بينهم مشكله وساعتها يحس ان ااهله اللى هما اقرب الناس ليه بعيد عنه ويحس ان هو وحيد

انا رغيت كتير اوى انا عارفه بس انا عاوزه اقول ان الوحده كلنا بنحس بيها فى حياتنا وايامنا العاديه حتى ولو ليوم او للحظه وانا مع فتحى لما قال ان الواحد باديه يدخل نفسه فى الحزن والوحده وفى ايده برده يخرج نفسه منها وهو اكتر واحد متخصص فى المواضيع دي (ولا ايه يا فتحى) هههههههههههه واكتر حاجه بجد ممكن نعملها عشان نخرج نفسنا من الوحده والاكتئاب واهم حاجه اننا نقرب من ربنا ونحاول نشغل وقتنا باى حاجه بهوايه وبخروج بزياره قرايبنا باننا نحاول نفهم الناس اللى احنا فاكرينهم بعيد عننا ونحاول نتاقلم معاهم متهيالى ده هيساعد كتير فى القضاء على الشعور بالوحده

ده راييى وعاوزين نسمع بقيت الاراء

رايك جميل يا سمر وانا موافقاكي عليه

مى تو وز يو يا سمووووووووووووورة

طيب حد هيقترح موضوع نتناقش فيه ولا هقول انا

نتناااقش فى مستقبلنا هنعمل فيه ايه ... وهناخد كورسات ايه ... وناويين على ايه وكده

انا عن نفسي حاليا باخد كورسات

فين وبكااام ... وبتاخدى اى سى دى ال ولا لغة ..ياريت تفيدينا ؟

انا باخد كورس اي سي دي ال
بـــ 120 تأمين وهاخدهم بعد ما اخلص
هخلص 1/9 ان شاء الله
في كلية حاسبات

وانا برضه لسه النهاردة مقدم فى نفس الكورس دا بنفس المبلغ دا

وقالوا هيتصلو بينا فى اول 8 ويارب خير

فى مقر الحزب الوطنى

هم بيقولوا بالقومية بس الله اعلم

انا كنت ماشى مع الناس وخلاص

هما هيتصلوا علشان يحددولك ميعاد التيست التمهيدي

اللي هيحدد هتدخل ولا لأ

ماتقلقش منه

المهم تجيب نص الدرجة

الدرجة من 1000 المفروض انت تجيب 500

يعنى الموضوع سهل مش صعب

وطبعا امتحانك بيبقي غير اللي جنبك

ومحدش بيتكلم فيه مع حد

انت بتحل وبيقولك درجتك قبل ما تمشي

ولو حصل لا قدر الله انك ما جبتش نص الدرجة

بيحددلك ميعاد تانى علشان تعيد الامتحان

يعنى خلال يومين تلاتة بالكتير اسبوع

ولو عايز اي استفسار انا موجودة

انا بقي مشكلتي ان معنديش مشاكل عايش في حالي كافي خيري شري

نايس توبيك ياسو

شعور جميل منك اوى

وانا برضه عندي مشكله جامده جدا

اني بفكر كتير اوى اوى اوى اوى نفسي ابطل تفكير في كل حاجه

احيانا من كتر التفكير ممكن اقع بفكر في اللي جاي وبفكر في اللي فات

حتي اللي عرفني يقولي بطلي تفكير شويه

حد يقولي علي حل؟؟؟؟؟؟!!!!!!!!!!!!!!!

حلو يا نيرو انك تفكرى بس مش طول الوقت لازم الواحد ياخد ريست من التكير شويه والا دماغك هتقف كمان

عارفه انا ساعات بتييجي عليا اوقات لما بقعد افكر فى حاجه وخلاص بقا مش عاوزه اافكر زهقت من كتر التفكير اول متيجي الحاجه دى فى دماغى والاقى نفسى بفكر فيها اغنى اتنتطط اكلم اى حد جمبى او اعمل اى حاجه تطلعنى بره التفكير ده

لا زم التفكير مياخدش معانا اكتر من حجم المشكله او الموضوع بتاعه

وكمان حاولى تشغلى نفسك باى حاجه تملا وقت فراغك

لا يا نيرو بقا روحى لدكتور او اعملى زار

هههههههههههههههههههههههههههههههه

علي فكره بالرغم ان ممكن يكونوا اللي عرفوني شايفني بفكر كتير
اني بالعكس مبفكرش كتير خالص
اصل انا ماشي بمبدء واحد +واحد = اتنين
وبفكر في المواضيع والمشاكل واي حاجه بسرعه
ومبقعدش افكر كتير في حاجه واحده
علشان متعبش

حاولى علي اد ماتقدري متفكريش كتير