كرسي الاعتراف

[size=12]لية بتحب تكون انسان مش كويس


مش عارف يا اسطوره انت جبت السؤال ده منين
بس مش مشكله هبقي اقولك لما اشوفك واعرفك انا ليه مش كويس[/size]

اية اكتر انسان قريب منك

مرتبط؟؟؟

عندك امل فى حاجة تحققها

اية اكتر انسان قريب منك ؟

تقصد مين بقي

من صحابي
عمرو

مرتبط؟؟؟
انا نص مرتبط
مش مرتبط اوي يعني


عندك امل فى حاجة تحققها
اه طبعا اني اخلص منك
ههههههههههههههههههه

اه طبعا عندي احلام كتييييييييير مووووووووووووز

انت نص مرتبط ازاى يعنى طب احكيلنا الحكايه بقا

1- ايه اكتر هدية جتلك وعجبتك ؟وكانت من مين ؟


2- بتعرف تسوق عربيات ؟ ولو بتعرف سوقت قبل كده ؟

3-ايه الكتاب اللي ناوي تقراه قريب ؟

4- ممكن تمشي رايك علي حد رغم انك عارف انه غلط ؟

5-مقلب اتعمل فيك ومقلب عملته في حد

6- اوصف مستواك الفكري

7 -لو زعلت من حد ممكن تقوله ولا تسيبه هو يعرف لوحده

انت نص مرتبط ازاى يعنى طب احكيلنا الحكايه بقا

مش عارف بس انا مش عاوز ارتبط اصلي حاسس انها مش هتكمل للأخر

ايه اكتر هدية جتلك وعجبتك ؟وكانت من مين ؟
كانت دبله وكانت من واحده زميلتي

2- بتعرف تسوق عربيات ؟ ولو بتعرف سوقت قبل كده ؟
اه بعرف ومدام بعرف اكيد سوقت
3-ايه الكتاب اللي ناوي تقراه قريب ؟
tax accounting
4- ممكن تمشي رايك علي حد رغم انك عارف انه غلط ؟
لأ
5-مقلب اتعمل فيك ومقلب عملته في حد
واحد صاحبي اتصل بالبيت عندي وعمل انه بنت وقعد يكلم في امي علي اساس انه بنت وفضل بقي يقول لأمي بحبه وكلام كده يعني
المقلب اللي انا عملته
بعتت رساله من تليفون واحد صاحبي لواحد صاحبه اقوله اتصل بيا ضروري علشان امر ضروري اوي قام اتصل بيه وده يقوله والله مبعتت ليك رساله وده يقوله انال دي ايه لغايه منا نطقت
6- اوصف مستواك الفكري
متواضع وممكن تسألي باقي الاعضاء
7 -لو زعلت من حد ممكن تقوله ولا تسيبه هو يعرف لوحده
لأ اسيبه يعرف لوحده

1- ايه الحاجة اللي ممكن تخليك مدايق ؟
اني اتكلم مع حد قفل
2- ايه الحاجة اللي صحابك بيعملوها وبيبقي نفسك يغيروها ؟
هي مش كل صحابي بس يبقوا رجاله اكتر من كده
3- ايه الحاجة المسيطرة علي تفكيرك بقالها فترة ونفسك تعملها ؟
نفسي في 1000 دولار
4- بتصلي يوم الجمعه في الجامع ولا في البيت ؟
كل يوم في الجامع مش شرط الجمعه بس الا بقي لما يكون في ظروف وغصب عني
بس صلاه الجمعه متنفعش غير جماعه
5- بتحب تذاكر في هدوء ولا تتفرج علي التليفزيون وتسمع موسيقي ؟
هدوء
6- مين من صحابك بيفهمك من غير ما تتكلم ؟
عمرو
7- لو جرحت حد بكلام ساعة غضب ممكن تعتذرله بعد كده ؟
اه طبعا
8- بيبقي ايه شعورك بعد ما بتقرا الاسئلة بتبقي مبسوط ان فيه ناس بتسالك اسئلة شخصية ولا بتجاوب علشان المفروض انك تجاوب ؟
ببقي عادي وفي اسئله ببقي مش عاوز اجاوبها
9- ايه اكتر سؤال اتسالته وعجبك ؟
لية بتحب تكون انسان مش كويس
بتاع الاسطوره
عجبني اوي
10- ايه الحاجة اللي لو اتعملت قدامك بتخليك سعيد ؟
اشوف حد بيرمي ورقه او علبه كانز في الباسكت بتاع الزباله
11- ايه الموقف اللي حصل قدامك وخلاك تدايق ؟
كتتتتتتتتتتتتتتتتتتتتتير
12- حالتك النفسية او المزاجية ممكن تاثر علي تعاملاتك مع اقرانك ؟ ولو اثرت مين اللي ممكن يرجعك لحالتك الطبيعية ؟
لأ عادي مببانش عليا وانا مدايق
وان اثرت انا اللي برجع نفسي او صحابي
13- ليه اخترت اسم هيرو ؟
عجبني ومشفتش حد واخده قبل كده نيك نيم
14- بتحس ساعات بالتردد؟لو انت بتعمل عادة مش كويسه وحبيبتك مش عاجبها العاده دي وانت عارف انها سيئة ممكن تبطل العادة دي ارضاءا ً ليها وتبقي فرصه انك تبطهاا
________
لأ نادرا لما بحس بالتردد
انا ممكن ابطلها لو امي قلتلي بطلها مش شرط حبيبتي_________

فى الجروب بتاعنا يا شريف من اكتر حد بتحبه وحاسس ان هما اقرب ناس ليك فى الولاد والبنات ومين اكتر شخص بتضايق منه كمان مين اكتر ولد واكتر بنت بيعجبك تفكيرهم ودماغهم وبتحب تقعد وتتكلم معاهم ؟؟

اكتر حد بحبه من الشباب كلهم زي بعض بس ممكن يكون احمد فتحي زياده شويه
والبنات شرحه وممكن سمر اقرب حد ليا
اكتر ولد بداق منه والله كلهم زي العسل
اكتر واحد بيعجبني تفكيره فوده
وبنت ولاء
وانا بحب اقعد مع الجميع

مرسى على صراحتك انا كمان بيعجبنى تفكير فوده جدااااااا على فكره

امتى حسيت انك دماااااان ؟؟

امتى اكتر لحظه حسيت فيها انك طاير من الفرحه والدنيا مش سيعاك من كتر السعاده ؟؟

وامتى اكتر لحظه حسيت فيها ان كل الدنيا متقفله فى وشك وانك وحيد وحزيييييين ؟؟

امتى حسيت انك دماااااان ؟؟
مش فاهم السؤال ده
امتى اكتر لحظه حسيت فيها انك طاير من الفرحه والدنيا مش سيعاك من كتر السعاده ؟؟
كتير حسيت الاحساس ده
وامتى اكتر لحظه حسيت فيها ان كل الدنيا متقفله فى وشك وانك وحيد وحزيييييين ؟؟

عمري محسيت الاحساس ده

يعنى ايه الموقف اللى عملته وندمت عليه جداااااااا

وايه هووااكتر موقف من المواقف الكتيييييير اللى انت حسيت فيهم ان انت فرحان؟؟

انت اسمك فرناندو لية مع ان شكلك مش فرناندو خالص دنتا من ا بو كبييييييييير

يعنى ايه الموقف اللى عملته وندمت عليه جداااااااا
ممكن عرفت ناس في وقت مكنش لازم اعرفهم فيه

وايه هووااكتر موقف من المواقف الكتيييييير اللى انت حسيت فيهم ان انت فرحان؟؟
اخر جاجه مثلا يوم شم النسيم وانا وصحابي في اسكندريه كنت فرحان

انت اسمك فرناندو لية مع ان شكلك مش فرناندو خالص دنتا من ا بو كبييييييييير

الاجابه :منتا من الحناوي وساكن عند طارق كاوتشه واسمك اسطوره

شريف شايف نفسك ايه بعد 10 سنين ؟ ؟

وهل انتا يمشى معاك اغنية انا مش عارف اتغير ؟ وليه ؟

ايه يااميررررررررررره الاسئله الحلووووووووه دىىىىىىىىىىىىىىىىىى

جامده بجد اخر حااااااااااجه


شريف ايه السؤال اللى كان نفسك حد يسالهولك بس لحد دلوقتى محدش ساله ؟؟؟


وايه السؤال اللى كنت خايف حد يسالهولك ؟؟

مين اكتر شخص اثر فى حياتك ؟؟؟

--------------------------------------------------------------------------------

-[b]ليه حاسس ان اعجابك مش هيكمل للاخر ؟
علشان انا راسم في دماغي اني اتجوز كمان 3 سنين ده لو مدخلتش الجيش لو دخلت يبقوا 4
فانا مش عاوز اقعد احب في واحده 4 سنين وممكن في الاخر ميحصلش نصيب
وابقي شلت ذنبها او ممكن انا اموت او يحصلي حاجه الله اعلم محدش ضامن ظروفه
2- انا عارفه انك بتعرف تعبر الاغاني كويس بس ايه الاغنية او القوبليه اللي ممكن تهديه للبنت اللي انت بتحبها ؟
تملي حبيبك بشتقلك تملي عنيا تندهلك
ولو حوليا كل الكون بكون يا حبيبي محتاجلك
3- انت لسه معجب ببنت الجيران ؟
لأ خلاص
4- اول انطباع خته عن كل عضو هنا كان ايه ؟
بالاجماع شباب كويس واجتماعي ومن الاخر كده كول
5- لما بتسرح بخيالك بتتخيل ايه ؟
اني سافرت امريكا وبشتغل في بورصه نيويورك
6- لما زميلتك جابتلك الدبلة هدية كان ايه رد فعلك ساعتها ؟
كنت مبسوط بس مش علشان الدبله علشان هديه
7- انطباعك عن الفتيات اللاتي لهن علاقه بالشباب والفتيات اللاتي ليس لهن علاقه بالشباب ؟
مش كل البنات زي بعضها ولا كل الشباب زي بعضه
وانا انطباعي بيتكون من طبيعه العلاقه
8- من وجهة نظرك هل الخجل انطواء ؟
لأ خالص في خيط رفيع بين الخجل والانطواء انا ليا اتنين صحابي خجولين جدا الاتنين بس فيهم واحد اجتماعي اوي والتاني عادي
9- المفروض البنات اذا كانوا هيتكلموا مع الشباب يبقي في حدود العمل او اذا كان موضوع فعال ولا ماتتكلمش خالص ؟
او نصيحه
10- كل فترة المفروض انك بتاخد راحة عقلية ونفسية وجسمانية الفترة دي بتقضيها فين ومع مين وبتسمع فيها ايه ؟
دي غالبا بتبقي عندي مرتين في السنه مره في الصيف بسافر انا وصحابي اي مكان فيه بحر ونقعد شهر
وشهر رمضان مبعملش فيه حاجه غير علي قد القرأن والصلاه وكل يوم سهر مع صحابي في بيت حد فينا لغايه الفجر
الحاجات دي بتخليني مرتاح اوي خصوصا في رمضان
وعلي فكرة قبل ماتجاوب لو بتسمع اغاني في الفترة دي المفروض انك تسمع slow music
11-اشرح اختلاف احساس الحب عن الاعجاب .
الاعجاب تاني مرحله من مراحل الحب وبتختلف عن الحب خالص
يعني انا ممكن اعجب بلابل علشان جميله وفي المرحله دي الواحد مبيبقاش متعلق باللي معجب بيه اوي بس مجرد انه يشوفه بيحس بالاعجاب
والاعجاب غالبا بيبقي ظاهري وكتير
يعني ممكن انا عجب ب10 بنات في يوم واحد بس ولا واحده فيهم تعلق معايا لما ارجع البيت
واحده علقت الواحد بيفتكرها من موقف او حاجه زي كده
وممكن الواحد يشوف عيوب الواحده اللي معجب بيها
علي العكس في الحب غالبا زي ما بيقولوا الحب اعمي
يعني الواحد بيشوف ان اللي بيحبه ده احسن حد في الدنيا واذاا كان حاطط مواصفات لشريك حياته بينساها لو مش موجوده في الشخص اللي حبه وبعدين بقي الحب بعد الاعجاب مباشره انا شفت النهارده 100 بنت اعجبت ب10 علقت معايا واحده النهارده كلمتها تاني او تالت او الاسبوع اللي بعده عادي وبعدين لما سبتها وروحت البيت حسيت اني مش مظبوط او بفكر فيها ده يبقي حب ومش شرط من تاني مره
ومش عاوز اطول اكتر من كده
12-ايه التضحية اللي ممكن تقدمها لحبيتك ؟
ممكن اضحي بعمري لو كان ده هيخليها هي تعيش
13- لو زعلت من حد وسيبته هو يعرف لوحده وماخدش باله هتحاول تلمحله ولا ........
لأ مش ههحاول ألمحله خالص
14 – ممكن تاخد واحد بذنب واحد تاني ولا بتتعامل مع كل واحد لشخصه ؟
لأ كل واحد لشخصه
15- مين اول انسان ممكن تلجاله لو حسيت انك مدايق ؟
عمرو صاحبي
16- انسان اعجبت بيه من اول نظرة ؟
كتير
17- انسان اعجبت بيه من فكرة ؟
واحده زميلتي
18- لما بتكون مسافر مين اللي بيخطر علي بالك في السفر ؟
كل اللي بحبهم
19- هل تعتبر قول الالقاب قبل الاسماء يسبب تباعد المسافات وضعف العلاقات بين الاشخاص ؟
اه بيعمل ليمت او حاجز خصوصا لو كنتوا من سن بعض
وانا عامه بعتبره قله ذوق مش احترام
20- هل انت تتمتع بروح الدعابة ام تصطنعها بين الموجودين لتخف من حدة النقاش ؟
لأ مبصطنعهاش
21- ماذا تعنى لديك كلمة حبيبة ؟
اي حاجه حلوه بعد امي وابويا
22- لو افترضنا انك خاطب (مبروك مقدما ً) ممكن تعبر لخطيبتك عن حبك ليها ازاي ؟
بالحنيه
23- ايه الاغنية اللي صداها لسه موجود معاك وبتترد علي مسامعك دلوقتى ؟
انا عايز اتجوز
ههههههههههه
24- تفضل يبقي فيه توافق بينك وبين حبيبتك ولا كل واحد ليه افكاره المستقله ؟
لأ طبعا توافق
25- هل الذوق يعنى عدم توافق مع المجتمع والواقع الحالي ؟
بصي يا ستي الذوق ده ليه مقاييس وللأسف مجتمعنا فاهمها غلط
اي حاجه كان الرسول صلي الله عليه وسلم ده الذوق بتاعنا ملناش دعوه بقي بالذوق الفرنسي اللي بنشوفه في التلفيزون وبنشوف الناس اللي حولينا بتصتنعه للأسف
يعني في ناس بتشوف اني لو عزمتهم علي الاكل ومجبتش شوكه وسكينه دي قله ذوق مع ان الرسول اللي بعث ليتمم مكارم الاخلاق مكنش بياكل بشوكه وسكينه وكان بيقعد علي الارض وكان بيشتغل بأيديه وبالرغم من ذلك محبوب وحبيب الله
بصي بقي للناس الذوق علي طول تلاقي عندهم مشاكل
انا شايف الذوق هو الذوق الاسلامي ومفيش غيره ممكن امشي عليه
26- لو شفت زميلتك في الجامعه بتروح تكلمها ولا بتستنى لما تيجي هي وتكلمك ؟
بستني بس مش غرور والله بس لو راجل والله من غير تردد انا اللي بكلمه
27- فترة الراحة بين المذاكرة بتعمل فيها ايه ؟
اقوم اكل ده لو اخدت راحه انما غالبا مبخدش لأني بذاكر ساعتين بس ايام الامتحانات
28- لو جالك اتصال دلوقتى علي الموبايل تتمنى يكون من مين ؟
زميله عزيزه
29- سؤال انت سالته لفتحى وسمر وانا بقي هسالهولك :
هبطت حمامة زاجلة بهدوء ورقه ووقفت علي حواف شباكك تأتى لك برسالة يفيح منها رائحة عطر ٍ منعش ومغلفة بورق ٍ من السلوفان ناعمة الملمس وأثارت البهجة في نفسك وترفرف الحمامة لتعلمك برحيلها بعد أن أهدتك أجمل رسالة فممن تتمنى أن تكون ؟!
الزميله العزيزه اللي كنت اتمني انها تتصل اكيد

ولو في سؤال مش عاوز تجاوب عليه انا مش هعترض وسوري ان كنت سالتك علي حاجة ماكنتش عايز تجاوب عليها .
ولو ليك تعليق علي أي سؤال اتفضل

عن اذن حضرتك

بلاش حضرتك دي