نقد لاذع

بصراحة بما انى فى منتدى المنوعات يعنى اذاعة وتليفزيون واغانى وكده وهى شكلها نقد من اولها احب اعبر عن رايى زى اى مواطن مصرى ناقم على بعض الاوضاع الحالية بصراحة يا جماعة الواحد جاله تلوث سمعى وبصرى من الاعلام وقنوات الدش تفتح التليفزيون الدش يعنى طبعا زى ما المحمول اصبح فى ايدى الجميع برضه الدش من قبله فى جميع البيوت وفوق كل السطوح والوصلة طبعا مش هقول الكارت لان النصب شغال على ودنه وكله بيشتغل كله ولازم نوصل سلوك كتير من واحد مستغل حاطط كارت ايه ارتى ياخد منك خمسين جنيه كل شهر ويقطعها برضه خمسين مرة فى اليوم مش موضوعنا نا اصلا ماعنديش وصلة المهم افتح على قنوات الاغانى الاقى كليبات غريبة بتتكرر ميت رمة فى اليوم لناس مش هقول عليهم مطربين ولا مؤديين ولا حتى مغنيين دول متخلفين بيقولوا اى حاجة وبيعملوا اى حاجة بصراحة قلة ادب غير مباشرة يعنى بصراحة حاجات مقززة المهم اقلب الاقى اللى بتتحدى الملل باعلاناتها السخيفة اللى بقت لبانة فى بوق العيال اللى بيلعبوا فى الشارع ويهزروا ويستخفوا بيها دمهم على بعض وهى اساسا قناة تجيب ملل وعايزة الابادة بافلامها الفاشلة اللى بتتعاد سبع ايام فى الاسبوع واعلانتها المتكررة ربنا يهدك يا لمعى انت وبوبى المهم ننقلب بعد مانجيب اخر نلاقى مذيعين ما عرفش ازاى دول دخلوا التليفزيون جايبين ناس تتخانق مع بعض وهما كما يتخانقوامع بعض ويجيبولنا صداع ويجيبوا شيوخ يتخانقوا مع بعض يعنى بصراحة صورة غير مشرفة الواحد يزهق ويقفل التليفزيون ويدخل ينام احسن عشان يتحدى الملل ويغمض عينيه