احنا فعلا فى مجتمع ذكورى بكل ما تعنيه الكلمة

بصراحة رغم ان المراءة خدت بعض من حقوق والبعض فاكر انها خدت حقوقها كلها الا ان احنا للاسف فى مجتمع يسوده التخلف والعنصرية للاسف الشديد الى الان لم تتمكن المراة من الحصول على حقوقها كاملة مستكملة البنت ماينفعش تروح تشتغل ماينفعش تتاخر ماينفعش تقيم لوحدها ماينفعش تسافر لوحدها ماينفعش تروح تشتغل مع الرجالة مش ينفع تكون رئيسة عليهم ماينفعش تمسك منصب قيادى ازاااااااااااى لاسف احنا بنفتكر ان البنت ضعيفة ومنكسرة لدرجة ان احنا نمحى اثارها من الوجود لدرجة انا احنا مانحطهاش فى بالنا ولا فى تفكيرنا لحد دلوقتى فى راجل يتجوز عايز خلفته كلها صبيان ليه بقى عشان يخلد اسم وتاريخ العيلة عشان يورثه شىء غريب اوى يا اخى لما انتو ا كلكوا عايزين تجيبوا ولاد امال البنات يجوا ازاى لحد دلوقتى الراجل بيتجوز على مراته عشان ام البنات لحد دلوقتى فى تعدد للزوجات لما الراجل مش بيخلف مراته بتستحمله مش بتطلب الطلاق وتفضحه لاء انما بسلامته اول ما يعرف يروح يتجوز عليها ومش تفتح بقها بكلمة تشعر بالضعف والانكسار والانهزام لما البنت تقف تتكلم مع ولاد اى ان كان السبب تبقى قليلة الادب ومش متربية انما لما الولد يقف مع بنات لاء ده يبقى فالنتينوا الجامعة للاسف احنا اللى بندى فرصة للى حوالينا بكده حقوقنا مهضومة واحنا ساكتين مفرو ض نعترض ناخد حقوقنا ما اعرفش ايه البنت اللى تقول انا هخلص واعقد فى البنت ولا اتجوز واربى العيال وانتى ايه لزمتك اصلا زيك زى اى ..... بتخلف وبتربى برضه وبعدين البنت مش ينفع تشتغل مفروض تقعد فى البيت ليه ان شاء الله ده يمكن البنت ممكن جدا تحقق انجاز كبير لو خرجت لميدان العمل اى ان كان ظروفها او سنها ده شغل للوقت وعلاج للملل او مصدر للرزق كمان بس طبعا كل انسان وله مهنة او وظيفة خاصة بيه وبقدراته وامكانيته ولازم تكون لها شروط محددة بعد اللى انا قلته عايزة اقول كلمة اخيرة احنا صحيح فى مجتمع شرقى وفيه مميزات واهم شىء ان احنا فى مجتمع اسلامى ولله الحمد لكن ليه ناخد اى تقليد او عادة ورثناها او بنسمعها ونطبقها من غير اقتناع مفروض نعرف احنا بنقول ايه وبنعمل ايه؟ ولسه بقول كمان المراءة للاسف الشديد فى مجتمعنا مازال مهضوم حقها الى حد كبير ونريد ان ياخد كل مخلوق اى ان كان حقه على اكمل وجه وعايزة ردود البنات على الموضوع ده وسؤال مطروح للجميع؟؟؟؟ هل تشعرين بالظلم؟ من مين ؟ ومتى؟ وما احساسك عندما يتنابك هذا الشعور ؟ وماخطواتك نحو تصحيح هذا الوضع؟؟؟؟؟

بصى يا بيرو اولا شكرا على ردك ثانيا انا مش معنى انى بتكلم عن الموضوع ده انى معرضة للاضطهاد الشخصى او غيره وانا عارفة ان فى بنات كتيرة جدا واخدين حريتهم على اكمل وجه بس لحد دلوقتى مجتمعنا مازال محتفظا ببعض القيم والتقاليد اللى من زمان اوى ووارثينها من غير تفكير بدليل واضح جدا وهقولك عليه انتى مش بتلحظى ان فى بنت بترفض تماما انها تكلم ولاد ؟؟؟؟؟؟؟ او بتشعر بالحرج الشديد لما بتكلم ولاد ؟؟؟؟؟؟ معنى كده انها اكيد معرضة لضغط خارجى من اهلها او مجتمعها وزى ما مجتمعنا فى حرية فى الوقت الحالى الى انتى وانا شايفاها او غيرنا عايزة اقولك انها تقريبا حرية مقنعة ولو بصيتى حواليكى هتلاقى ناس كتير فعلا مازالوا تحت القيود واسر التقاليد الموروثة وبعدين فى حقوق فى المناصب ومجال العمل البنات لسه لحد دلوقتى مش خدوها وصدقينى الكلام ده موجود فعلا واحنا نتمنى ان الحرية تسود العالم بأكمله مش البنات فى مصر او فى اى بلد عربى اخر بل على مستوى العالم العربى وما النصر الا من عند الله

حكومتنا غالية علينا وتحيا مصر والزقازيق ام الدنيا

انا مع بيرو فى رأيها ان البنات دلوقتى واخدين حرية
يمكن مش حصلت عليها اى بنت فى اى وقت آخر
وانا عن نفسى ارى ان لو البنت لو حصلت على حرية اكتر من كده
ممكن ان تسوء سمعتها
ومش بعيد كمان يطالبوا بالانفصال عن اهاليهم فى عمر ال 16 او ال 17 سنة
كما يحدث فى امريكا والدول الاوروبية