اصدقائى وصديقاتى يسعدنى ان اقدم لكم هذ الحوار الحصرى لمنتدانا الغالى مع اكبر دنجوان فى هذا العصر لكى يكشف لنا بعض من سراره التى تخفى عن الكثير وخاصه الذين ساقهم القدر كى يقعوا فى طريقه سنعرف منه كل شى كيفيه ايقاعه بالفريسه وماذا يفعل بعد ان يمل منها ويريد ان يتركها ما هى اساليبه فى الايقاع بالفرائس وهل الاسلوب واحد ام ان لكل فتاه الاسلوب الخاص بيها كل هذا واكثر ستعرفوه معنا ولكن بعد لفاصل ...........
سنعود بعد قليل
اعلان بيبسى الجديد
اعلان كوكاكولا الجديد
وبعد شويه
اعلان فانتا الجديد
الواحد عطشان لما شاف الاعلانات دى
عدناااااااااا
المحاور : فى البدايه لا يسعدنا ان تتوجد معنا اليوم ولكن الظروف حكمت اننا نجيبك عشان نعرف البنات باسلوبك وطريقه ايقاعك بيهن عشان يفادوك ويبعدوا عنك وربنا يكفيهم شرك
الدنجوان : متشكر على الكلام الرخم ده ولو سمحت ابدء البرنامج عشان ورايا راندفووو
المحاور اوك فى البدايه عايزين نعرف ازاى بتوقع البنت من دول مع انك مش حلو قوى
الدنجوان : فى بنات الشكل مش بيفرق معاهم المهم الشخصيه ودا بيساعدنى للوصول بسرعه
المحاور : وانت بقى اسلوبك واحد ولا ليك اكتر من طريقه
الدنجوان : طبعا انت صوابع ايدك مش زى بعض وكل بنت وليها طريقه تخشلها منها يعنى مثلا البنت اللى شايفه نفسها ومفكره نفسها مفتحه دى اسهل من البنت اللى ملهش فى اى حاجه خالص
المحاور : ازاى بقى
الدنجوان :يعنى بتفكر نفسها عارفه كل حاجه وهى ولا عارفه حاجه وبوصلها بسرعه يعنى بحسسها انها يا ما هنا وياما هناك وهى اللى الاستاذه وانا التلميذ وواحده واحده اخليها تعرفنى كل حاجه بحجه انى معرفش اى حاجه فى حاجه وطبعا الكلام بيجيب بعضه وانت عارف ممكن الكلام يوصل لحد فين اصل انا خام بقى زى هى ما فاهمه واخليها تتكلم فى كل حاجه وانت طبعا فاهمنى والكلام يجر بعضه لحد اما نوصل للى انا عايزه وبعد ما اخد اللى انا عايزه اتحجج باى حجه واخلع منها
المحاور : وايه هى بقى الحجج دى يا عم الناصح
الدنجوان : يعنى اقولها انى مسافر مثلا اوبجهز اختى ولسه قدامى كتيييييييييير او انا اللى بصرف على البيت بعد وفاه ابويا اللى ربنا يطول فى عمره المهم انى اخلع من صحبتك
المحاور : صحيح انك ندل المهم طب دى نوعيه طب وايه بقى النوعيه التانيه
الدنجوان : البت الساذجه و اللى بيقولوا عليها محترمه دى بقى اللى بتتعبنى شويه عشان بتكون خوافه حبتين
المحاور : ودى بتعمل معاها ايه يا عم الدنجوان
الدنجوان : بضطر اصلى يومين عشان انول الرضا واقرب منها
المحاور : تنول الرضا من واحده يعنى مش من ربنا ؟
الدنجوان : انت عايز توقعنى فى الغلط ولا ايه المهم بعد منول الرضا تبقى زى الخاتم فى صباعى واخد اللى انا عايزه
المحاور : وبعدين
الدنجوان : ولا قبلين اسيبها واشوف غيرها
لمحاور : مين البنت اللى مش بتعرف تاخد منها حق ولا باطل
الدنجوان : متفكرنيش دى كانت بنت رذله حاولت اكلمها منفعش مش مديانى اى فرصه نهائى بعتلها مع صاحبتها قالت عايز يكلمنى بتنا مفتوح . طب بذمتك انا بتاع الكلام ده بيت ايه اللى مفتوح طب وانا مالى فرحت سايبها وبعدت عنها دى عايزه تدبسنى يا عم هو انا بتاع خطوبه
المحاور : مين البنت اللى تحترمها ومين اللى تحتكرها
الدنجوان : انا بحترم البنت اللى بتحترم نفسها واهلها كمان وعايشه عيشه اهلها ومش بتتبتر على اللى هى فيه
المحاور : طب واللى بتحتكرها
الدنجوان : اللى شايفه نفسها وهى ولا حاجه يعنى متلبس ضيق وتقلى موضه وحريه متفضلش ليل ونهار بره البيت مره عند صاحبتها مره عند مش عارف مين وتحس انى مفيش حد حاكمها صدقنى دى بتلذذ وانا بخدعها بحب اكسر عنيها عشان تحترم نفسها
المحاور : فى نهايه اللقاء تحب تقول ايه لكل فتاه
الدنجوان : احب اقول لكل فتاه متصدقيش ى حد يقولك بحبك اللى بيحبك بجد صدقينى واحد من اتنين يا اما هيروح جرى على بتكم يخطبك من اهلك او هيحتفظ بالحب دا لنفسه ومش هيقوله لحد فنصيحه بقولها غصب عنى خدى بالك من نفسك وبلاش تكونى رومانسيه اكتر من الازم الرومانسيه انتهت من زمان
المحاور : فى نهايه الحلقه اسمحولى شكر لدنجوان ولو انى مش طايقه بس شويه المعلومات اللى قالها يستاهل نشكره عليها
واتمنى انكم تكونو استفدتم من الحلقه دى
و السلام عليكم ورحمه الله وبركته
» للتعارف والصراحه
» فضائح ستار اكاديمى - ممنوع الحذف -
» حصريا اكواد كول تون فودافون
» جيت اسلم عليكو
» 6 سيمبلات من البوم عمرو دياب وياة 2009
» حصربا سيمبلات تامر حسنى هعيش حياتى كاملة 2009
» بريد ميفوتكش ... mayfotaksh post office
» من الذكاء ان تكون غبيا في بعض المواقف