وصفات طبيعية للجمال

عزيزاتى زائرات منتدى للبنات فقط حبيت النهاردة اقدملكوا شىء جديد زى ما عودتكوا على كل شىء جديد يهم المراة وجمالها النهاردة هقولكوا على شوية وصفات طبيعية للجمال
1_ لعلاج التشققات وجفاف البشرة بس انا هتكلم على القدمين واليدين وليس الوجه ( ملعقة عصير ليمون مع نقطتين من الجلسرين ) وتعملى بيها كمادات على المنطقة التى تريدين نعومتها اما بالنسبة للوجه ممكن زيت اللوز او الجلسرين السائل لكن الليمون له طريقة خاصة للوضع على الوجه ومش ينفع يوضع لمدة طويلة لانه ممكن يضر الوجه
2- بالنسبة لنعومة الوجه وشده لكى يبدو اكثر بريقا ولمعانا نستخدم بياض بيضة ونقطة جلسرين مع بسيط من الماء لتخفيف لزوجة بياض البيض ممكن كمان تستخدمى النشا كبديل لبياض البيض لانه بيشد الوجه برضه وكمان بيفتح وبيزيل المناطق الغامقة اماكن الحبوب
3- بالنسبة لوضوع الحبوب ادامك وصفة جميلة اوى وهى الطين المغربى وده بتجيبيه من عند اعطار وبتحطى عليه ميه دافية مع معلقتين كبار من الطين المغربى وتحطيه وتنستنى لما ينشف على الوجده لشده وازاله الحبوب وتجنب ظهورها
4-برضه عايزة اقول على حاجة مهمة اوى ممكن تعالج فى ظهور الحبوب ولها فوايد كبيرة وهى زيت الخروع وزيت الخروع كمان لو عندك مسكرة فاضية قديمة ممكن تستخدميه بالفرشاه لتطويل الرموش وممكن لو حواجبن خفيفة وتحتاج لانبات ممكن تستخدميه كتدليك ليلا عشان بالليل بيزيد انبات الشعر ده غير انك ممكن تستخدميه كمان لتكثيف الشعر وتطويله
5- زيت الزيتون طبعا فوايده عظيمة جدا للوجه والبشرة بس انا هضيف على كده انه مهم جدا لعلاج الهالات السودة تحت العينين اعمليه ككمادات مع قطنة ونقطة من زيت الزيتون وممكن برضه لعلاج الهالات السودة كمادات الشاى تحت العين بس افضل زيت الزيتون
يارب تكون وصفات النهاردة عجبتكوا واجبلكوا كمان وصفات كتيرة فى الحلقة القادمة كانت معكم الاعلامية الشهيرة( علياء منير )

فعلا الوصفات جميلة اوى وبالنسبة لى فى حاجات منها جديدة
لو عندك حاجة تانية ياريت تنزليها