محاولات مسلم

ملاحظة :الحكاية دي بتكرر خمس مرات يوميا

مسلم شاب ملتزم محافظ علي الصلاة في المسجد بيبقي قاعد بيعمل اللي بيعمله....(الله اكبر...الله اكبر)ولما بيسمع صوت الاذان بيقوم يتوضا ...مفيش 5 دقايق (ديب)صوت باب الشقة بيترزع وبعدين (تراك-تراك-تراك)صوت واحد نازل علي السلم ....الجيران سامعين الصوت :لا مفيش ده مسلم نازل يصلي وفي المسجد واول ماتبتدي الصلاة (الله اكبر)تعالوا ندخل جوه دماغ مقنوع :الله اكبر اللهم باعد بيني وبين خطاياي كما باعت بين المشرق والمغرب ...اللهم...وشوية ايه ده هوه الواد اسمه ايه ده اللي في قهوة كتكوت لما قالي مش عارف ايه ما قولتلوش ابصر ايه .......لما اروح هادخل واكتبها له....اكيد هافحمه ...وشوية...اه انبي فاز بالكاس ...يعني كده هيلاعب الاهلي في السوبر .......ياه دا هيبقي حتة ماتش جامد طحن .....اه ماهي راحت علي الزمالك ..كان زمان وجبر...وشوية الواد زؤلط ما جابش البتاعة اللي قولتلوا عليها .........دا عيل مش تمام صحيح .......وشوية اما في مسالة فيزياء مجنن ابوية اعمل ايه ...ازاي اجيب ضغط غاز في بلونة جوه زجاجة مرمية في بير عمقه 18.5 متر ...ايه ده....اماانا مخي تخين صحيح ماضرب الكل في الكل هيديني الناتج .........طيب............لما اروح هحلها .........وشوية ..صحيح ..الشريط بتاع صلاة الجماعة اللي انا اشتريته ده جامد اوي ....دا انا من بد ما سمعته ما فوتش فرض في الجامع انا عايز ايه لحد يسمعه ..طيب اديه لمين؟ ..لزيد ولا عبيد لا انا اديه لياسر اكيد هايتاثر .....يا سلاام واخد ثواب اد كده ...وفجاه لقي نفسه بيقول اللهم صلي علي محمد ....الي اخر التشهد ...فافتكر انه لسة بيصلي ...يقوم موطي راسه ويقول يارب هتقبل مني الصلاة د ..انا عارف انها متسواش ..قام المسلم وراح المسلم واقف وماشي ورايح فين يا مسلم ...رايح الصلاة ...جاي منين...جاي من الصلاة

ايه رايكوا ...صلاته دي تنفع ؟ ...علي فكره ...هوه رايح يصلي السنة في البيت