عبارات تستخدم فى مكانها الغير صحيح

السلام عليكم يا بنات ويتجدد معاكم اللقاء ومعايا واكتبلكوا مواضيع وتتشاركونى سواء بالرد او بالكتابة وواضح ان الموضوع عجب ناس كتير لدرجة ان الولاد اعلنوها علينا رسميا حربا باردة !!! اردتوها باردة يا رجالة !! طيييييييييب فليكن وطبعا من غير مانقول كلنا عارفين مين هينتصر موضوعى اللى هتكلم عنه النهاردة بعيدا عن اى تفرع فى مواضيع اخرى هو موضوع الكلمات والعبارات اللى بتتردد كتير على مسامعنا وناس كتيرة بترددها من غير ما تقدر معناها اولا كلمة الرجال قوامون عن النساء ودى ايه فى القرأن الكريم ونعم بالله اللهم لا اعتراض بس اعتقد ان القران الكريم فيه مدلولات خفية او معانى ربما ياخدها البعض بطريقة عامة دون الانتباه اليها ومعنى الاية الكريمة ان ربنا ميز الرجال عن النساء بانهم يتمكنوا من بعض الاعمال التى ربما تعجز عنها النساء وده تكريم للمرأة مش تقليل مش شأنها وفى حاجات كتير محتاجة مجهود بدنى وانا بقول بدنى مش عقلى او ذهنى المرأة لا تستطيع ان تعمل به ودى طبعا حكمة ربنا من اجل التوازن والتمييز بين المخلوقات وزى ما انت ربنا اداك صحة تهد جبال احنا ادانا مميزات كتير كفاية العاطفة واحساسنا بلامومة من الصغر لان احنا اللى بنربى اجيال المستقبل وبنعمر بيوت بذكائنا وحسن ادراتنا فعلا البنت مش زى الولد كل واحد فينا متميز بحاجة وبعدين الجنة تحت اقدام الامهات وبعدين كمان عايزة اقول ان احنا مفروض نفكر فى اى حاجة بنقولها زى مثلا اللى يقولك ان كيدهن عظيم كل مايقابل واحدة خدعته او نصبت عليه ويحسسنا ان الستات دول مخلوقات من النار مش هقولكوا على القصة بتاعت الاية دى لان كلكوا عارفينها بس هقول ان الستات بيتميزوا بالذكاء الذكاء ده ممكن يكون كيد او دهاء فى حالات معينة بس الكيد وده اصلا كان وصف لستات معينين مش عامة ولو ان الكيد ده موجود بين الرجالة برضه وعايزة اقول برضه على الكلمة بتاعت ناقصات عقل ودين ناقصات عقل عشان عاطفيات اما ناقصات دين اعتقد ان ده سر بينى وبين البنات وياريت يكون كلامى وصلكوا واى استفسارات او ردود انا معاكوا (الاعلامية الشهيرة: علياء منير)

الكلام ده احنا عارفينه
بس للاسف الجنس التانى بياخدوها عكس كده
وكمان بيكونها بيه ضدنا
شكرااااااااااااا