فضفض معانا

موضوع: فضفض معانا السبت ماي 31, 2008 11:05 am

[b]اى عضو عنده اى مشكله او متضايق من حاجه او حصل معاه موقف ومضايقه يتكلم معانا وياريت نكون كلنا اسره واحده ونحترم بعض ونخاف على شعور بعض ونتكلم بصراحه وان شاء الله كلنا نستفيد من اخطاء غيرنا او المواقف اللى بتحصل لينا

[/b]
_________________

موضوع: رد: فضفض معانا السبت ماي 31, 2008 4:22 pm

والله فيكى الخير يا أخت ياسو
بارك الله فيكى
وياريت الكل يكون جاد فعلآ فى هذا
وأنا عن نفسى الحمد لله لا يوجد عندى أى مشكله حتى الآن والحمد لله
لكن على رأى الشاعر
الحلم والحياه والعيشه والخلود
هأ دنيااااااااااااااا
السلام عليكم ورحمه الله وبركاته

موضوع: رد: فضفض معانا السبت ماي 31, 2008 7:12 pm

متكدبش على نفسك يا ميمو اكيد عندك مشكلة ممكن تكون مش واخد بالك منها او حاسس انها تافهة ..لكن احنا اخوات ونفضفض مع بعض عادى مفيهاش حاجة لان مفيش حد معندوش مشاكل

انا عن نفسى عندى مشاااكل كتير ..مش عارف ابدأ منين ....

بس اول مشكلة عندى هى مشكلة الفهم الخاطئ من اللى حواليا .. ان احيانا اصحابى ممكن يفهمونى غلط حتى اعز اصحابى وبيحصل زعل ومشاكل كتير

بس احيانا الاصحاب دول بياخدوا جنب منى وينسونى كده من غير عتاب حتى وانا ياما جيت على نفسى وحاولت اصلح ده ..
اقرب حاجة حصلت واحد من اصحابى فى الكلية الحربية ... كنت زعلان منه عشان بينزل اجازته ومش بيسأل رغم اننا كنا قريبين من بعض واصحاااب اوى ..المهم انى اتصل بيه او أعدى عليه ونتفق نخرج سوى ..او اشوفه ونقعد سوى ..ينفض للميعاد اللى بيننا ويطنش ... وانا خلاص مبقتش عارف اعمل ايه ..آآجى على نفسى تانى ولا اعمل ايه ..ياريت تقولولى آرائكم بصراحة ومن غير زعل لو حتى رأيكوا ده مخالف لرأيى .. .
_________________

موضوع: رد: فضفض معانا السبت ماي 31, 2008 7:37 pm

مش عارف اقولك جرب تانى ولا تبعد

بس من الاخر مفيش حاجة اسمها صاحب

صدقنى

انت عملت الى عليك وقربت منه وهوه اللى بعد

ابعد انت فترة ممكن هوه يحس ان حاجة نقصاه

ويحاول هوه يقرب واكيد هيلاقى صاحبه فاتح له درعاته على الاخر

دا راييى

موضوع: رد: فضفض معانا الأحد يونيو 01, 2008 2:46 am

طيب مبدئيا ً انا هرد علي شوبير الاول وبعدين ارجع لفتحى علشان ليا تعليقات كتير

بص يا شوبير بالنسبة لان مفيش صاحب فانا مش معاك في الراي ده
الصاحب موجود بس ممكن يكون الاختيار اللي خاطئ من البداية
ومش ناخد ذنب واحد بذنب واحد تانى
يعنى مش اسمى صديق المصلحة وغلط اصلا اقول عليه صديق بصديق الحب واللي بيخاف علي مشاعر اللي مصاحبه
وممكن يكون فعلا فيه صديق ليك وقريب منك بس غاليا تلاقيه بيفهمك غلط في بعض المناقشات
وتلاقيه يزعل واحايانا ً ما يكونش حاسس بيك
علي الرغم من ان فيه ناس تانية ابعد منه وتفهمك وتحس بيك
انت انجرحت اه من صديق العشر سنين بس جرب وصاحب تانى بس يكون واحد كويس
لان الانسان اللي انت صاحبته ده معدنه مش كويس
وده رايي بالنسبة ليك

بالنسبة لفتحي بقي

عايزة اقولك يا فتحى ان ممكن يكون صاحب عزيز عليك واقرب لقلبك وهو اللي يفهم غلط
مع العلم ان المفروض ان هو اول واحد لو حد فهمك غلط هو يصلحله المعلومة دي
بس فيه احيانا ً اصحاب مش عارفه بيبقوا واخدين الدنيا ازاي وبالذات من جانب الصداقه
الحقيقة اللي هقدر اقوله طالما انت بتكلم بطيبة وصفاء نيه وهما اللي بيفهموا غلط فاكيد المشكلة مش عندك
هما اللي محتاجين علاج او تصليح لبعض الافكار
فانت مش تزعل لان فيه ناس كتير كده دلوقتى
وانا مش بقولك كده من فراغ بالعكس انا بالفعل قابلت شخصيات زي اللي بنتكلم عليها دلوقتى وزي صحابك
وكل اللي بعمله انى بتجنب علي اد ما اقدر انى اقول حاجة ممكن يسيئوا الفهم فيها
لان بجد فيه ناس علي اد ما تلاقي شخصيتهم كويسه وكده الا انك لما تتكلم معاهم تحس انهما تافهين
بيعلقوا تعليقات سخيفه و يفهموا غلط وانت مش تبقي عارف تعمل ايه
حتى لو فكرت انك تصلح الموقف هما برده بيبقوا فاهمين اللي هما فهموه في الاول
وطبعا ً كده انت خارج الموضوع والمشكلة عندهم مش عندك
وده بالنسبة للمشكلة الاولي

بالنسبة بقي للمشكلة التانية

انت بتقول ان اصحابك ساعات بينسوك وبياخدوا جنب من غير حتى عتاب وبعدها علي طول رحت قايل مثال علي صاحبك بتاع حربية اعتقد الموقف ده ملوش دعوة بده خالص
لانه لو واخد منك جنب يبقي اكيد في زعل بينكم حاول تصلحه
انما لو واخد منك جنب بسبب تانى فده بقي انا هتكلم فيه دلوقتى
بص يا فتحي
الموقف ده انت اتكلمت فيه قبل كده وكنت مجروح منه جدا ً وقلت ان الموضوع انتهي بالنسبة لك
بس الانسان لازم بيسيب الجرح جرح جوه القلب
وانت طالما بتتكلم في الوضوع ده تانى يبقي اكيد انت بتعزه اوي وليه معزة خاصه عندك
انا عارفه ان اكتر حاجة بتوجع الحب اللي اوى اللي بينتهي من غير سبب
واعتقد كمان انك اكيد لما بتفتكر ايام قضتوها سوا وايام دلوقتى اكيد بتحس بحاجة غلط
واحتمال عينيك بتدمع ويبقي نفسك تعيط وممكن تكون بتتمنى ترجع بالزمن كمان كام سنة
وتفضلوا اصحاب زى زمان ويمكن يكون نفسك تسرق اللحظات الجميلة وتعيشها صح
علي الاقل علشان لما تبقي موجودة في الذاكرة تبقي موجودة ببصمات واضحة تقدر تحس بيها
انا الحقيقة هقدر اقولك ان هو لما بيرجع انت اكيد قبلها بتقول خلاص انا مش هكلمه وزيي زيه
بس لما بيرجع الظروف بتتغير يعنى بتقول مثلا ً انه يمكن مش فاضي او افكره ان ليه صاحب
وصدقنى كل ده بيحصل بدافع الصداقه بدافع المشاعر الجميلة اللي عيشتوها سوا
بدافع انك نفسك ترجع تانى تحبه وتخرجه سوا وتقضوا وقت جميل مع بعض
وده علي فكرة بيدل علي انك انسان كويس رغم اللي بيعمله فيك انت بتحنله وتقدمله الاعذار كمان
صدقنى مش تزعل عليه لان ده لو كان صاحب بجد كا قدر قيمة صاحبه كان قدر معنى الصداقه
بس للاسف هو مش حاسس بيها وعمره ما هيحس بيها هو كل اللي في دماغه البنات وبس
واللي يسيب صاحبه اللي بيعيش معاه اجمل لحظات حياته علشان يتفسح مع ويخرج مع بنت مش ممكن يكون انساااااااااااان
وعلي فكره هو مش هيحس بيها دلوقتى هو هيحس بيها بعدين
لما يجي واحد تانى ويعامله بنفس المعاملة ويعمل فيه زي ما عمل فيك
ساعتها هيحس باللي عمله واكيد اول واحد هيفكر فيه هو انت
لانك انت الانسان اللي كنت صاحبه وبتسال عليه ومش صدر منك اي حاجة ممكن تكون سببتله اي مشاكل
بس سبها للايام انا معاك انها هتاخد وقت بس انت علي اد ماتقدر ما تفكرش في الموضوع ده كتير
انا عارفه انك حتى لو لغيت تفكيرك فيه اكيد قلبك هيحس بيه والمشاعر دي محدش يقدر يتحكم فيها
وواضح انك حبيته بجد وهو مقدرش الحب ده
وكل اللي هقدر اقولهولك ما تشيلش في قلبك منه انساه خالص
ورقم تليفون بيته مش تخليه في اي نوتة عندك تكون قريبه من ايديك
سجله في اي ورقه وحطها في درج مكتبك بس خليها في مكان مداري
ورقم موبايله نفس النظام وشيله من علي موبايلك او لو عايز تخليه بس ما تدورش في الموبايل كتير
ولو شوفت اسمه مش تديله اهتمام
انا عايزة اقولك شيل اي حاجة تبقي موجودة قدامك ممكن تفكرك بيه
وعلي فكرة الفترة دي هي اكتر فترة ممكن يحصل فيها جرح في الصدقات
ان فيه ناس بتحب اوى وناس مش بتقدر الحب ده
واعتقد انك مش غلطان في الموقف ده كمان
الانسان اللي بيسامح بسرعه بتلاقيه بيعز في نفسه حاجات كتير
واقرب حاجة ليه بيعملها هي التزام الصمت
نفسي اكون قدرت اوصل لجزء من ناحية الموضوع ده واتكلمت عنه علي اد اللي فهمته منك
ولو في حاجة شرحتها غلط قولي ولو مش عاجبك حاجة ممكن تعلق عليها
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

موضوع: رد: فضفض معانا الأحد يونيو 01, 2008 8:54 pm

صراحة انا مش لاقيه كلام بعد اللى اميره قالته
بس انا مع شوبير فى النقطه بتاعت صاحبك دى يا فتحى ان انت تبعد عنه ومش تسال حتى عنه لغاية ما هو ياخد باله من كده ويبدا يسال عليك ولو انى حاسه انه مش ممكن يعمل كده ويستحسن اللى بينفضلك انت كمان نفضله اوى ومتسالش فيه
_________________

موضوع: رد: فضفض معانا الإثنين يونيو 02, 2008 2:12 am

انا يا ياسمين شايفه ان فتحى علي اد ما هو مدايق منه هو لسه بيحبه
وبعدين هو مش انتقام يعنى علشان سابك تسيبه
يا جماعه دي مشاعر وفتحي حاسس انه مفتقد حاجة وعايزها ترجعله
لازم اكيد يجري وراها علشان ياخدها
الصداقه دي حقه
ما هو لما يبقي واحد عايش معاك فترة وما بتفارقوش بعض
وفجأة يختفي من حياتك لازم تحس بفراغ
صعب جدا بجد
ده لما يجيلك حد يقعد عندك في البيت يومين تلاتة بتاخد عليه معاك وبتبقي زعلان لما بيمشي
يعمل ايه هو بقي في عشرة سنين
لازم اكيد يبقي كده
الناس اللي ما اتوجعتش من احساس الفراق وفراق الاصدقاء بالذات ماتحسش بيه
معلش يا فتحي ربنا معاك وسيبه فترة كده وان شاء الله يرجعلك
وماتفكرش فيه كتير
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

موضوع: رد: فضفض معانا الإثنين يونيو 02, 2008 2:14 am

وياريت يا فتحي تتابع الموضوع معانا رجاء يعنى
علشان نعرف نوصل لحل
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

موضوع: رد: فضفض معانا الإثنين يونيو 02, 2008 3:34 pm

انا معاكوا والله يا ياسو .. بس انا باخد رأيى غيرى من غير التعقيب يعنى ..بستفيد من وجهة نظركوا ..واشوف ايه اللى ينفع معايا

بس اللى فامهنى اكتر هيا اميرة ... الصراحة قالت اللى فيها ..انا فعلا مشتااق للذكريات اللى كانت بيننا واللحظات الحوة بل الاحلى فى حياتى .. وبحاول اخترعله اسباب قدام نفسى عشان مطلعوش غلطان او بمعنى اصح اخسره ..وانا للأسف من الناس العشرية ومش بنسى حد بسرعة ...

وبالنسبة لشوبيير وياسو ..انا حل شوبير دجه عملته قبل كده معاه وتجاهلته انا واحمد وحيد وكان تجاهل عن اتفااق كماان ..لاقيته بعد 3 اسابيع متصل بيا ..وادانى الطريحة عن الصاحب الصح .. وازااى انى بتاجهله ومنفضله على الآخر وبيقوللى انى نسيت واحد صاحبى او حتى كان صاحبى اسمه وليـــد .. قلتله الكلام مش هينفع فى التليفون وقابلته واتكلمنا وش فى وش وبكل صراحة ..قلتله انتا نسيتنى ..تنزل ومتسألش وبتسأل على غيرى لو كان على الكل مكنتش ازعل بس انك تسأل عن ناس مش اصحابك قوى وانا اللى صاحبك فى الحلوة والمرة ومن ابتدائى تنسانى ومتعبرنيش بثانية من وقتك .. كان لازم اعمل كده ... وانا على استعداد اننا نرجع زى الاول يا وليد ..

وفعلا عملت زى ماتفقنا .. بس للسف يومين ورجع زى الاول ..الظاهر ان اللى بيكبر لحد لازم اللى كبرله يصغره ويصغرله كمان .....

على العموم انا هعمل زى ماقلتوا .. وهسيبله فرصة ..احنا المفروض الشلة كلها متفقين اننا نطلع اسكندرية فى الصيف بعد ما بتوع حربية ياخدوا اجازتهم .. انا هسيبله فرصة وهابعد عنه الفترة دى وهشوف انا لو غالى عنده هيسأل ولو مسألش ساعتها بقى يبقى خلاص كل شيئ انكشف وباان

وبجد الف شكر يا جماعة على ارئكم بجد حسيت ان ليا اخوات يقدروا ينفعونى بالنصيحة ووجهات نظركوا لما بتختلف انا بستفيد اكتر لان بيبقى عندى ميزة الاختيار ..وان شاء الله مش هتبقى آخر مرة ليا فى الفضفضة معاكوا
_________________

هو فعلا صعب انك تحب حد حب بجد وبعدين تسيبه
وكمان زي ما بتقول انك من الناس العشرية اللي صعب تنسي حد بسهوله
وده اصعب واصعب
عموما انا متوقعه خير ان شاء الله
وربنا يوفقكم وتسافروا كلكم اسكندرية
ولو حسيت ان الموضوع ما اتحلش ممكن ترجع لنا تانى نعيد نظر في الموضوع
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

ان شاء الله خير

ويارب يجمعكم تانى على خير

ومتفترقوا ابدا

شـــــــــــ القلب الطيب ـــــوبير فــــــــــــــ امير الرومانسية ـــــــــــــــــــــــؤش

يلا المشكلة اللي بعدها
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

موضوع: رد: فضفض معانا الخميس يونيو 05, 2008 12:22 am

قولوا انتوا بقى

شـــــــــــ القلب الطيب ـــــوبير فــــــــــــــ امير الرومانسية ـــــــــــــــــــــــؤش

موضوع: رد: فضفض معانا الخميس يونيو 05, 2008 12:23 am

طيب انا مستنية لما حد يبدأ
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

موضوع: رد: فضفض معانا الخميس يونيو 05, 2008 3:30 am

الواحد احيانا بيقول كلام وبيطلب طلبات غبية ممكن يزعل ناس منه غصب عنه

بس والله الكلام دا بيطلع فى لحظة غباء ضعف لحاجة

المهم محدش يزعل

شـــــــــــ القلب الطيب ـــــوبير فــــــــــــــ امير الرومانسية ـــــــــــــــــــــــؤش

موضوع: رد: فضفض معانا الخميس يونيو 05, 2008 3:45 am

الحقيقة يا شوبير اذا كان الانسان هيطلب طلب فجائي فده هيبقي ناتج عن حاجتين
يا اما بيسمع اغاني حب ويشوف افلام رومانسية كتير وده بيديله دافع انه يفضل عايش في حالة الحب دي فترة
يا اما هو معجب بشخصية حد ولما بيصدق يشوفه ويطلب منه الطلب الفجائي ده
وده اكيد بيبقي نابع من طول تفكير فترة سابقه برغبة في الشعور ده
المهم اللي قدامك هيتقبل الموقف منك ازاي
وطبعا يبقي حظك حلو لو وقعك في حد عنده حنكة في التصرف
وخير ان شاء الله ماتقلقش

_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

موضوع: رد: فضفض معانا الخميس يونيو 05, 2008 3:57 am

هى ممكن اعجاب بشخصية

اما بالنسبة لسماع اغانى وافلام رومانسية

انا بسمع اغانى كتير اه وكلها لمحمد فؤاد

بس مش حبا فى الاغانى او لاعيش حالة حب

لكن حبا فى محمد فؤاد مش اكتر

اما اعجابى شخصية حد اى انسان لازم يبقى زى

لو واحد معجب بحد بيبقى نفسه يشوفه

وميرسى على رايك

موضوع: رد: فضفض معانا الخميس يونيو 05, 2008 4:02 am

من غير شكر بس ده اللي انا استشفيته من عرض مشكلتك
واعتقد انى ما اخطأتش
بص مش عايزة اسميه ثقه لان الثقة احيانا بتقلب لغرور
بس انا بقول ان انا تقريبا قدرت احدد شخصية كل واحد في المنتدي هنا علي ايه
فعلا انتوا ناس معدنكم من ذهب ناس كويسه جدا بجد
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان

موضوع: رد: فضفض معانا الجمعة يونيو 06, 2008 4:49 pm

على فكرة يا شوبير .. 3/4 الشعب المصرى ... أو المعظم عندهم مشاكل نفسية وامراض نفسية بس اللى بيتكسف واللى مش عارف انه مريض نفسى ..فأحلى حل لأى مشكلة من وجهة نظرى ..انك تتعامل بطبيعتك ..واللى مش عاجبه نو بروبليم سيبك منه وشوف اللى يفهمك ..وبس
_________________

موضوع: رد: فضفض معانا الجمعة يونيو 06, 2008 6:34 pm

لا حل مثالي برده
_________________
جفت دموعى ولعا ً لن أبكى بعد الآن
إرحل إن شئت أو أبقى فالأمر نسيان